Барааны тайлбар:

#Улаан_Чавганы_цай (Red plum tea)
Улаан чавга нь амин дэмээр маш баялаг. Дорно дахины анагаах ухаанд улаан чавгыг хий хөөнө, цус төлжүүлнэ гэж үздэг. Хэдийгээр амин дэмээр баялаг гээд хэтрүүлэн идвэл хор болдог байна. Ингээд хэрхэн идвэл зохистой талаар сонирхуулъя.
1.Цус төлжүүлнэ
Залуу эмэгтэйчүүдийн 20 хувь, төрж амаржсан эмэгтэйчүүдийн 50 хувь нь төмрийн дутагдлаас үүдэлтэй цус багадалттай байдаг. Улаан чавга нь төмрийн агуулга өндөртэй, cyclic adenosine monophosphate гэсэн бодистой ба энэ нь цусны эргэлтийг сайжруулдаг.
2.Ходоод гэдэсний хямралд сайн
Ходоод гэдэсний үйл ажиллагаа султай, амархан хямардаг хүмүүст сайн.
3.Витамин С ба Р
Улаан чавга нь витамин С-ийн агууламжаараа хамгийн ихтэй гэлцдэг бөгөөд киви жимснээс 3-4 дахин их, мандарин буюу бэрсүүт жүржээс 7-10 дахин, алимнаас 75 дахин их , Витамин Р-ийн агуулгаараа нимбэгээс 10 дахин их байдаг.
4.Арьсыг гэрэлтүүлнэ
Хятадууд чавга үргэлж идвэл, үргэлж залуугаараа байна гэлцдэг. Урт хугацаагаар компьютерийн өмнө суух нь арьсны олон асуудал үүсгэдэг талаар арьс судлаач эрдэмтэд тогтоосон байдаг. Улаан чавга нь С, Р витамин ихтэй тул арьсны уян хатан чанарыг сайжруулан, толигор болгон арьсыг гэрэлтэй болгодог.
5.Стресс тайлна
Сэтгэл санаа тогтворгүй, нойргүйддэг, цэвэршилтийн үеийн хямрал зэрэгт уламжлалт анагаах ухаанд улаан чавгыг хэрэглэдэг.
6.Ясны сийрэгжилтээс сэргийлнэ
Улаан чавга кальцийн агуулга өндөртэй.
7.Тураана
Улаан чавга эслэг ихээр агуулдаг тул гэдэсний гүрвэлзэх хөдөлгөөнийг дэмждэг учраас турахад тустай.
8.Дархлааг дэмжинэ
Дэлүүний тунгалагийн булчирхайн үйл ажиллагааг дэмжиж улмаар дархлааг дэмждэг. Хүүхэд, хөгшидөд маш тохиромжтой.
9.Хавдраас урьдчилан сэргийлнэ
Чавганд байдаг витамин С, cyclic adenosine monophosphate, crategolic acid нь хавдраас урьдчилан сэргийлэх өндөр ач холбогдолтойг тогтоосон байдаг.
Анхаарах зүйл:
1. Улаан чавгыг хэтрүүлэн идэж болохгүй. Өдөрт 5-8 ширхэгийг идэхэд болно. Улаан чавганд хүнсний эслэгийн агууламж өндөр тул гэдэс дотор түүнийг боловсруулах хугацаа хэрэгтэй. Иймд нэг дор их хэмжээгээр хэтрүүлэн идвэл ходоод гэдсийг гэмтээх аюултай. Иймд өдөрт 5-8 ширхэгийг идэхэд л хангалттай юм байна.
2. Улаан чавганы шүүсийг бэлдэхдээ усны хэм 80ºС –аас ихгүй байна. Улаан чавганд агуулагддаг С аминдэм хэт өндөр хэмд чанараа алддаг тул усаа буцалгалгүй 80ºС байлгахад тохирно.
3. Улаан чавга идсэний дараа уураглаг бүтээгдэхүүн идэхгүй байх. Улаан чавга нь С аминдэмээр баялаг тул уургийн шимэгдэлтэнд нөлөөлнө. Гэхдээ болгосон чавганы С амин дэм алдагдсан байгаа тул уургийн шимэгдэлтэнд нөлөөлөхгүй.
Ямар хүмүүс идэж болохгүй вэ?
1. Чихрийн шижин өвчтэй хүмүүс. Улаан чавга сахар ихээр агуулдаг тул чихрийн шижинтэй хүмүүс идэхэд тохиромжгүй.
2. Чийг бамын өвчин хүндэрсэн хүмүүс. Улаан чавга нь дотор халуун ихэсгэдэг бөгөөд сахар их тул тохиромжгүй.
3. Дөнгөж ханиад хүрч байгаа үед. Улаан чавганы зунгааралдсан тэр бодис ханиадны эдгэрэлтийг удаашруулдаг.
4. Шүд өвдөж байгаа үед. Улаан чавга нь чихэрлэг бөгөөд дотор халуун өсгөдөг тул шүдийг улам өвтгөнө.