Барааны тайлбар:

Хайр сэтгэлийг хэрхэн бэлэглэх вэ? Аливаа хүн эхээс төрмөгц хайрыг мэдэрдэг. Чингээд зогсохгүй бүхий л амьдралын туршид бусдыг хайрлаж, энэрэх сэтгэлийг өөртөө бий болгосноор сайн сайхан орчныг өөртөө бүрдүүлдэг учиртай. Тэгвэл Далай багшийн энэхүү бүтээлд бусдад хэрхэн хайр сэтгэлийг бэлэглэснээр өөртөө аз жаргалыг авчрах талаар тодорхой өгүүлжээ.

* * * * *

Хайр хийгээд нигүүлслийн тухай ярихдаа би Буддын шашинтны хувьд, Түвдийн нэгэн оршин суугч, Далай ламын хувьд бус хэлж ярьдаг билээ. Би хүмүүн төрөлхтний эгэл нэгний адил бусад хүмүүстэй ярилцдаг. Та нарын хэн ч юуны түрүүн өөрийгөө хүмүүн гэж боддог, харин дараа нь Америк, Ази, Европ, Африк эсвэл ямар нэгэн тодорхой улсын иргэн гэж тооцдог хэмээн би найднам.

Өөрийгөө би лам хэмээн хэлж чадна. Эсвэл би Буддын шашинтан гэх зэрэг. Гэсэн хэдий ч миний хүмүүний амьдралтай харьцуулахад энэ бүхэн түр зуурын байдал юм. Юуны түрүүн бид хүмүүс байх агаад гагцхүү энэ л биднийг нэгтгэдэг. Та хүмүүн болж төрөөд үхэн үхтлээ түүгээрээ байдаг. Бусад бүх зүйл таны боловсролтой байна уу үгүй юу, залуу байна уу хөгшин байна уу, баян байна уу, ядуу байна уу гэдэг нь хоёрдугаар зэргийн асуудал...

Зохиогч: Дээрхийн Гэгээнтэн Далай лам, Орчуулсан: О. Чинбаяр

#386