Барааны тайлбар:

Уран бүтээлч хүний нэгэн онцгой үүрэг нь амьдран буй цаг үеийнхээ гэрч байж тухайн цагийнхаа түүхийг хойч үедээ үнэн зөвөөр нь бичиж үлдээх явдал юм. Тэгвэл уг романаас өнөөгийн нийгмийн хүний мөс хийгээд улс үндэстний ухамсар хэрхэн доройтож, мөнгө олохын тулд итгэл үнэмшил, үнэт зүйлсээ хэрхэн умартаж буйг хойч үеийнхэн төдийгүй өнөөгийн бид ч уншиж сургамж авч болохоор байна.
Шинэхэн улаач Хархүү өвөг дээдсийн онгодыг нартын энэ орчлонд авч явах хэн хүнд заяахгүй авьяас билгээр удам түмнээ үүрч, бусдын төлөө зүтгэхдээ өөрт нь тийм ч сайхан зүйл байгаагүй авч, сэтгэл санааны маш их дарамт, бэрхшээл шалгуурыг даван гарч эгэл хүний ухамсар сэтгэхүйг огоорч бясалгалын өндөр түвшинд хүрч, орон зай, цаг хугацааны нууцад нэвтрэн өндөр дээдэстэйгээ учран золгоно.Сайны хажуугаар саар гэгчээр сүсэгтэн олны гачаал, зовлонгоор дөрөөлж, засал хорлол хийнэ хэмээн амандаа орсон тоогоор мөнгө нэхэж, онго тэнгэрээ сэвтээн авах идэхийн хэрэглүүр болгон эцэстээ үйлийн үрийнхээ төлөөсөнд амиа ч алдахад хүрэх бөөнцөр увайгүй нэгний дүрийг Алгаа зайрангийн эмгэнэлт тавилангаар сонирхолтойгоор дүрсэлжээ.
Зохиолч: Ж.Амгаланбаатар
Хуудас: 372

#1427