Барааны тайлбар:

АМЬДРАЛ ТЭР ЧИГТЭЭ ХАЙР УУЧЛАЛЫН ХЭЛХЭЭ ХОЛБОО
Ямар ч хүний амьдрал алдаатай оноотой, баяртай гунигтай байдаг. Харин ихэнхи хүмүүс амьдралдаа туулж буй хэцүү бүхнээ нууж аз жаргалтай нэгэн болж харагдах гэж хичээдэг. Та энэ философитой хэр санал нийлэх вэ. Магадгүй та цурхиртлаа уйлмаар байгаа ч тэвчээд инээж байна уу, эсвэл бусдад таалагдах гэсэн хүсэлдээ хөтлөгдөж өөрийнхөө мөн чанарыг алдаж явна уу. Их бага ч бай та нуруун дээрээ ачаа үүрсэн л байгаа бол мөн түүнийгээ хэрхэн шийдэх вэ гэж шаналж яваа бол “Бос гэрэлт’’ гэх энэхүү номыг уншихыг зөвлөж байна.
Энэхүү бүтээлд зохиолч өөрийн амьдралын туулж өнгөрүүлсэн хором мөч бүрийг илчилж, өөртэйгээ адил бэрхшээл дунд гарах гарцаа хайж яваа хүмүүст зоригтойгоор туслахыг хүсчээ. “Бос гэрэлт” гэсэн сонирхол татам нэртэй энэ номын зохиогчийг Баярмаа гэдэг. Тэрээр төмөр замд алх хадаас бариад зогсох мэргэжилтэй боловч зориг шулуудан үзэг цаас нийлүүлэн ном бичсэн нь бидний сонирхолыг ихэд татсан юм. Тэрээр өнгөрсөн бүх өдрүүдээрээ аялаж номоо бичих явцдаа чухам хүний амьдралд юу чухал байдаг болон түүнийг давах хүч хаанаас ундарч байдаг талаараа нэгд нэгэнгүй өчиж үүндээ өөрийн итгэл үнэмшлийг ч хуваалцсан байна.

#1010