Барааны тайлбар:

Зохиолч Луужир Жиймий, Сайхан бүсгүй групптэй хамтран “Намайг өөрчисөн 85-н эмэгтэй” нэртэй 85 эмэгтэй урам зориг ухаарал өгсөн өгүүллэг, эргэцүүлэл, бодрол багтсан дээрх номыг эрхлэн гаргажээ. Номын хэсгээс...

ӨӨРТЭЙГЭЭ БОЛЗОХ ӨДӨР

Хэнд ч хэрэггүй болсон мэт мэдрэмж
Хүн болгонд төрдөг
Энэ бодол хаанаас ирдэгийг чи мэдэх үү гэж
Ихийг мэдэгч эгч минь надаас асуув.
“Мэдэхгүй ээ” гэж намайг итгэлгүйхэн хариулахад
Бурхан эсвэл чөтгөрөөс ирдэг гэж
Бодох зүйлгүй хариулав.

Яагаад гэж гайхшран асуухад
Ялалт, ялагдал нь чиний гарт байдаг учраас тэр
“Ингэж амьдрах ёсгүй” гэж бодсон нь газар тулаад босдог бол
“Ингэж л амьдрах хувьтай байж” гэж бодсон нь газарт хэвтээд босдоггүй юм
Хэнд ч хэрэггүй мэт болсон үедээ
Хэн болох боломжтой вэ гэдгээ маш сайн бод
Даахгүйдээ чамайг хорвоо унагадаггүй
Дахин босох хүчийг чинь шалгах гэж унагадаг

Хүнд биш өөртөө таалагдах гэж амьдраад үз
Хүнийг биш өөрийгөө болзоонд уриад үз
Хамаг сайхан хувцсаа өмсөж гараад
Хавьд ороогүй гоё газраа ороод
Идэж үзээгүй үнэтэй хоолоо захиалаад
Эрх мэдэлтэн, эзэн хааны гэрий мэтээр өөрийгөө төсөөлөөд
Маргааш нь мөнгөгүй болох байсан ч хамаагүй
Мартагдахааргүй болзоонд очоод өөртэйгөө уулз
Тэгээд зөөгч чамайг хэрхэн хүндэлж байгааг
Тэндэхийн орчин ямар тансаг болохыг хар
Ийм л газар хооллохоор заяагдсан хүн гэж
Энэ биеэ нэг магтаад үз

Тэр үед далд ухамсар чинь ажиллаад
Тийм орчинг чамруу татдаг
Үхрийн гол махан стейкийг
Өөртөө зориулаад аваад үз
Уруу царайлсан үеэ ардаа орхиод
Улаан виног өөртэйгөө тулгаад үз
Жаргалтай байгаа өөрийнхөө төрхийг бодож
Жааз хөгжим сонсонгоо хооллоод үз
“Сайн явах санааных” гэсэн үгийн утгыг
Сар хүрэхгүй ойлгох болно
Бодлыг чинь дагаж гэгээн зүйлүүд чам руу хуйларч
Бахархалтай амьдарч болмоор санагдана
Аура гэрлэн бүрхүүл чинь ам шиг ээ үйлдэл шиг ээ
Аль сайхан бүхнийг хорвоогоос түүнэ.

Гэзэг чинь хүртэл цахилгаанждаг
Гень агуулсан амьд “соронзон” гэдэгээ чи ойлгоно
Хорвоогоос чи юу хүсч татмаар байна
Хариуд нь тийм л зүйл чамд ирнэ
Учир нь чи ухаан бодол, бие сэтгэлээрээ тэр чигтээ соронзон гэдгээ
Ухаарч ойлгож сэхээрэх хэрэгтэй байна. Яг одоо
Хорвоо дэлхийн хангалттай их эд баялаг сайн сайхан зүйл
Хормын төдийд чамд ирэх болно
Хэн байхаа өөрөө шийд
Хэлэх гэснээ хэллээ гээд өнөөх эгч минь өөдөөс ширтэнэ.
Маргааш нь эгчийн хэлснээр эртлэн босч усанд ороод
Мартагдахааргүй болзоонд өөрийгөө уриад
Өсгийтэй гутал, бариу дааншинзаа өмсөөд
Үхрийн махан стейк өөртөө зориулж захиалаад
Жааз хөгжим сонсонгоо тансаг ресторанд хооллов
Байх газраа одоо л ирэх үү гэсэн шиг
Бяр чадал амтагдаж,
Амжилттай амьдрах
Амархан юм шиг санагдав.

Сайн явах санааных.., сэхээтэн сэтгэлгээний нууц.., чадна гэвэл чиний зөв, чадахгүй гэвэл бас л чиний зөв..гэдэг үгнүүдийн учрыг одоо л ойлголоо. Уруу дорой, ядуу сэтгэлгээтэй хүний ажил үйлс болж бүтэхгүй байх олон жишээ бий. Харин байхгүй ч гэсэн болно бүтнэ гэж ярьдаг хүний ажил үйлс яаж ийгээд болж бүтээд явдаг. За даа... би бараг “амжилтын нууц”-ыг олчих шиг боллоо.

Миний бие тэр чигтээ цахилгаанжсан, мэдээлэл боловсруулагч болж таарлаа. Би ямар мэдээлэл татна. Тийм л үр дүн авчрах юм байна. Энэ бүхний эрт ойлгохгүй яваа гэж өвдгөө алгадлаа...Гэвч бүх юм дуусаагүй цагт бүх юм дуусаагүй... Одоо ч оройтоогүй үзүүлээд өгнө өө гэж өөртөө итгэлтэй хэлээд виноны орцтой соусандаа үхрийн гол махнаасаа сэрээдэж дүрээд амандаа хийлээ. Урьд нь амталж үзээгүй час хийсэн амт байлаа...Амжилт яг ийм амттай байх даа. Инээмсэглэв.

#215